கொடநாட்டிலிருந்து சென்னை திரும்பினார் ஜெயலலிதா

சென்னை: நான்கு மாத கால கொடநாடு வாசத்தை முடித்துக் கொண்டு அதிமுக பொதுச் செயலாளர் ஜெயலலிதா இன்று சென்னை திரும்பினார். இதனால் அதிமுகவினர் உற்சாகமடைந்துள்ளனர்.

லோக்சபா தேர்தலுக்குப் பின்னர் கொடநாடு சென்றார் ஜெயலலிதா. அங்கு சென்ற போதிலும் கூட ஓய்வுக்கு மத்தியிலும் தனது அரசியல் நடவடிக்கைகளை அவர் கைவிடவில்லை.

கட்சியின் செயற்குழு, பொதுக்குழுக் கூட்டத்தை ஊட்டியில் நடத்தினார். கட்சி நிர்வாகிகளை அவ்வப்போது வரவழைத்து ஆலோசனை நடத்தினார்.

பால் மாறிய பலரை கட்சியை விட்டு அதிரடியாக நீக்கினார். குறிப்பாக தூத்துக்குடி ஸ்டிராங் மேன் என கருதப்பட்ட அனிதா ராதாகிருஷ்ணனையும், அதிமுகவில் இருந்து கொண்டே திமுகவுக்கு சார்பாக பேசியும், நடந்தும் வந்த எஸ்.வி.சேகர் ஆகியோரை அதிரடியாக நீக்கினார்.

கட்சிக்குள் களையெடுப்பு நடத்தியது தவிர, ஒவ்வொரு ஊரின் மக்கள் பிரச்சினையை முன்வைத்து அதிமுக சார்பில் ஏராளமான போராட்டங்களை நடத்த உத்தரவிட்டார்.

கொடநாடு பயணத்தின்போது நடந்த சட்டசபை இடைத் தேர்தலை அதிமுக புறக்கணித்தது. இந்த புறக்கணிப்பு முடிவுக்கு பல்வேறு தரப்பிலிருந்தும் விமர்சனங்கள் எழுந்தபோதிலும் தனது நிலையில் உறுதியாக இருந்தார் ஜெயலலிதா.

இடையில் எழுந்த பல்வேறு சலசலப்புகளையும் அவர் சாதுரியமாக அடக்கினார். குறிப்பாக ஓ.பன்னீர் செல்வம் திமுகவுக்குப் போகப் போகிறார் என்று வதந்திகள் எழுந்தபோது அவரே ஆவேசமாக மறுப்பு தெரிவித்தார். அத்துடன் நிற்காமல், பன்னீர் செல்வம் தலைமையில் அதிமுக எம்.எல்.ஏக்கள் ஓரணியில் திரண்டு சென்னையில் பெரும் போராட்டத்தையும் நடத்தினர்.

ஜெயலலிதாவின் இந்த பயணத்தின்போது அனைவராலும் புறக்கணிக்கப்பட்ட பாமக கூட்டணியை விட்டு விலகியது. இதை ஒரு பொருட்டாகவே ஜெயலலிதா எடுத்துக் கொள்ளவில்லை என்பதை அவர் எதுவும் பேசாமல் விட்டு விட்டதன் மூலம் வெளிக் காட்டினார்.

ஜெயலலிதா சென்னையில் இல்லாவிட்டாலும் கூட அவரைச் சுற்றித்தான் தமிழக அரசியல் சுழன்று வந்தது.

உலகத் தமிழ் மாநாடு குறித்து தமிழக அரசு அறிவிப்பு வெளியிட்டதும், அதைக் கண்டித்து ஜெயலலிதா அறிக்கை விட்டார். மேலும், இந்த மாநாடு எப்படி உலகத் தமிழ் மாநாடு ஆகும் என்றும் பல்வேறு கேள்விகளைக் கேட்டார். தற்போது உலகத் தமிழ் மாநாடு ஒத்திவைக்கப்பட்டு விட்டது.

அதேபோல முல்லைப் பெரியாறு அணை விவகாரத்தில் திமுக அரசின் போக்கை சாடினார். சுப்ரீம் கோர்ட்டில் வழக்கு தொடர வேண்டும் என்றும் வலியுறுத்தினார். தற்போது தமிழக அரசு வழக்கு தாக்கல் செய்துள்ளது. இதைப் பாராட்டினார் ஜெயலலிதா.

மத்திய அமைச்சர் மு.க.அழகிரியால், தனது தாய் மொழியில் லோக்சபா வில் பேச முடியாத அவல நிலை இருப்பதாக சாடிய அவர், அழகிரிக்கு ஆதரவாக பேசி அறிக்கை விட்டது திமுக தரப்பை நெளிய வைத்தது.

இப்படி பரபரப்பாக கழிந்த இந்த நான்கு மாத பயணத்திற்குப் பின்னர் ஜெயலலிதா இன்று சென்னை திரும்பினார். அவரது வருகை, அதிமுகவினரிடையே பெரும் உற்சாகத்தை ஏற்படுத்தியுள்ளது. அம்மா வந்தால் சும்மா இருக்க மாட்டார். நிச்சயம் அதிரடி பட்டாசு காத்திருக்கிறது என்கிறார்கள் உற்சாகத்துடன்.

பல கட்சிகள் இருந்தாலும், தலைவர்கள் இருந்தாலும் திமுகவுக்கு நெருக்கடியைக் கொடுக்கக் கூடியதாக இப்போதைக்கு உள்ள ஒரே கட்சி அதிமுகதான் என்பதால் ஜெயலலிதா வின் சென்னை வருகை, கட்சிக்குப் புது உற்சாகத்தைக் கொடுத்து புது வீச்சுடன் செயல்பட வைக்கும் என அரசியல் நோக்கர்கள் கருதுகிறார்கள்.

Read More

உழைப்பும், விசுவாசமும் அ.தி.மு.க.வின் இரு கண்கள்: பாசறை மாநில செயலாளர் டாக்டர் வெங்கடேஷ் பேச்சு

மதுரை புறநகர் மாவட்ட அ.தி.முக. இளைஞர் இளம் பெண்கள் பாசறை ஆலோசனை கூட்டம் திருமங்கலத்தில் நடைபெற்றது. கூட்டத்திற்கு இளைஞர் இளம்பெண்கள் பாசறை மாநிலச் செயலாளர் டாக்டர் வெங்கடேஷ் தலைமை தாங்கி சிறப்புறையாற்றினார்.

எம்.ஜி.ஆரின் வழித்தோன்றல் ஜெயலலிதாவின் சிந்தையில் தோன்றி தீமைகளை தீர்க்கவந்த படைதான் இளைஞர் இளம்பெண்கள் பாசறை தமிழ்நாட்டிற்கு தேவை மங்களரகமான ஆட்சி. அது ஜெயலலிதாவின் ஆட்சியாகத்தான் இருக்க வேண்டும் என்ற நோக்கத்தோடு மதுரை புறநகர் மாவட்டம் திருமங் கலத்தில் உங்களோடு பேசுகின்ற வாய்ப்பு கிடைத்தமைக்கு மகிழ்கிறேன்.

அனைருவக்கும் நல் வாழ்வை வழங்கக்கூடிய திறமையும் நல்ல மனமும் படைத்தவர் ஜெயலலிதா.

தமிழகம் இதுவரை கண்டிராத இளையோர் படையை இன்று பார்கிறது. நாளை நம் வெற்றி முழக்கத்தை கேட்கப் போகிறது. ஆட்சியால் தமிழகம் முதன்மையாக நிற்கப்போகிறது.

ஏழைகளின் கால்கள் சட்ட மன்றத்துக்குள் நுழைய முடியுமா? உங்கள் கிராமத்து இளைஞன் உள்ளாட்சியிலும் எம்.எல்.ஏ. ஆகவும், கிராமத்து பெண் எம்.பி. ஆக முடியும் என்ற நிலையை உருவாக்கி தருகிற மகத்தான தலைவி ஜெயலலிதா.

உண்மையாக உழைப்பவர்களுக்கு உரிய உயர்வை நிச்சயம் தருவார். அ.தி.மு.க. வை பொருத்தமட்டில் விசுவாசமும் உழைப்பும் இரண்டு கண்கள்.

மக்களுக்கு புதையலாக கிடைத்த இயக்கம்தான் அ.தி.மு.க. இயக்கம்தான். அ.தி.மு.க. ஆட்சியில் இருந்தாலும் இல்லா விட்டாலும் மக்கள் வாழ வேண்டும் என்ற மாறாத சிந்தனை கொண்டவர் ஜெயலலிதா.

இவ்வாறு அவர் பேசினார்.

Read More

சென்னையில் 12-ந்தேதி அ.தி.மு.க. தொண்டர்களுக்கு ஜெயலலிதா நிதி வழங்குகிறார்

சென்னை, அக். 6-

அ.தி.மு.க. பொதுச் செயலாளர் ஜெயலலிதா, நடந்து முடிந்த பாராளுமன்ற தேர்தலில் தீவிர பிரசாரம் செய்தார். இதையடுத்து கடந்த மே மாதம் 28-ந் தேதி கொடநாடு சென்றார்.

தற்போது அங்குள்ள பங்களாவில் ஓய்வு எடுத்து வருகிறார். கட்சி நிர்வாகிகளையும் அங்கேயே சந்தித்து வருகிறார். அ.தி.மு.க. நிர்வாகிகள் ஆலோசனை கூட்டங்களும் அங்குதான் நடத்தப்படுகின்றன.

இந்த நிலையில் வருகிற 12-ந்தேதி சென்னை அ.தி.மு.க. தலைமை அலுவலகத்தில் அ.தி.மு.க. தொழிற்சங்கத்தை சேர்ந்த ஏழை தொழிலாளர்களுக்கு நிதி வழங்கும் விழா நடைபெறுகிறது. இதில் அ.தி. மு.க. பொதுச் செயலாளர் ஜெயலலிதா கலந்து கொண்டு 45 தொழிலாளர்களுக்கு நிதி வழங்குகிறார்.

இதற்காக, ஜெயலலிதா இன்னும் ஒருசில நாட்களில் சென்னை திரும்புவார் என்று தெரிகிறது. இதற்கான ஏற்பாடுகள் நடந்து வருவதாக கட்சி வட்டாரங்கள் தெரிவிக்கின்றன.

வருகிற 17-ந் தேதி அ.தி. மு.க.வின் 38-வது ஆண்டு தொடக்க விழா சென்னை அ.தி.மு.க. தலைமை கழக அலுவலகத்தில் நடக்கிறது. இதிலும் ஜெயலலிதா கலந்து கொள்கிறார்.

அன்றைய தினம் எம்.ஜி.ஆர். சிலைக்கு மாலை அணிவித்து இனிப்பு வழங்குகிறார். அ.தி.மு.க. வுக்காக பாடுபடும் ஏழை தொண்டர்களுக்கு நிதி உதவியும் வழங்குகிறார். கட்சி நிர்வாகிகளையும், தொண்டர்களையும் சந்திக்கிறார்.

Read More

பரமக்குடியில் அ.தி.மு.க. ஆர்ப்பாட்டம்

சென்னை, அக். 4: பரமக்குடியில் உள்ள கூட்டுறவு நெசவாளர் சங்கங்களுக்கு மானியத் தொகை அளிக்கக் கோரி அ.தி.மு.க. சார்பில் செவ்வாய்க்கிழமை ஆர்ப்பாட்டம் அறிவிக்கப்பட்டுள்ளது. இது குறித்து அக்கட்சி பொதுச் செயலாளர் ஜெயலலிதா ஞாயிற்றுக்கிழமை வெளியிட்ட அறிக்கை: ராமநாதபுரம் மாவட்டம், பரமக்குடியில் 84 நெசவாளர் கூட்டுறவு சங்கங்கள் இயங்கி வருகின்றன. 20 ஆயிரத்துக்கும் மேற்பட்ட நெசவுத் தொழிலாளர்கள் அச்சங்கங்களை நம்பி வாழ்ந்து வருகின்றனர். இந்தக் கூட்டுறவு சங்கங்களுக்கு சிறப்புத் தள்ளுபடி மானியமான ரூ.11 கோடியே 55 லட்சத்தை தி.மு.க. அரசு அளிக்கவில்லை. இதனால் இந்த ஆண்டு தீபாவளி பண்டிகையைக் கொண்டாட முடியாத நிலைக்கு நெசவுத் தொழிலாளர்கள் தள்ளப்பட்டுள்ளனர். மேலும் கடந்த 3 ஆண்டுகளாக கூட்டுறவுச் சங்கங்களில் பணிபுரியும் நெசவுத் தொழிலாளர்களுக்கு ஊதிய உயர்வு அளிக்கப்படவில்லை. தனியார் இடத்தில் 10 சதவீதம் அதிகக் கூலி கிடைப்பதால், தொழிலாளர்கள் தனியாரிடத்தில் வேலை செய்ய ஆர்வம் காண்பிக்கின்றனர். இந்த நிலை நீடித்தால், கூட்டுறவு சங்கங்கள் நலிந்து போய்விடும் எனத் தகவல்கள் வருகின்றன. எனவே, நெசவாளர்களின் நலனைப் புறக்கணிக்கும் விதத்தில் செயல்படும் தி.மு.க. அரசைக் கண்டித்தும், தீபாவளிப் பண்டிகை நெருங்குவதால், சிறப்புத் தள்ளுபடி தொகை ரூ.11 கோடியே 55 லட்சத்தை உடன் வழங்கக் கோரியும், நெசவுத் தொழிலாளர்களின் ஊதியத்தை உயர்த்த வலியுறுத்தியும் அ.தி.மு.க. சார்பில் பரமக்குடியில் செவ்வாய்க்கிழமை ஆர்ப்பாட்டம் நடைபெறும். அ.தி.மு.க. அமைப்புச் செயலாளர் சு. முத்துசாமி, ராமநாதபுரம் மாவட்டச் செயலாளர் வ. சத்தியமூர்த்தி, பரமக்குடி நகரச் செயலாளர் எம்.கே. ஜமால் உள்ளிட்டோர் இந்த ஆர்ப்பாட்டத்தில் பங்கேற்பர் என ஜெயலலிதா தெரிவித்துள்ளார்.

Read More

தமிழக மக்கள் தட்டிகேட்க தவறிவிட்டார்கள்..............

இந்தியாவில் இதுவரை நடைபெறாத இமாலய ஊழல் தான் ஸ்பெக்ட்ரம்.ஸ்பெக்ட்ரம் என்றால் என்ன?தொலைத்தொடர்புத் துறையில் உள்ள அலை வரிசையின் அளவுகளே ஸ்பெக்ட்ரம்.இந்த 2ஜி என்கிற இரண்டாவது தலைமுறை ஸ்பெக்ட்ரம் அலைவரிசையின் வழியாக,விவரங்கள்(Data),குரல்( voice )படங்கள்(pictures),ஆகியவற்றை மொபைல் மூலமாகவும் Internet மூலமாகவும் பரிமாற்றம் செய்யலாம்.தொலைக்காட்சிக்கும் பயன் அளிக்கக் கூடியது.இந்த அலைவரிசைகளை தனியாருக்கு ஒதுக்கீடு செய்ததில் 1 லட்சம் கோடி ரூபாய் அளவுக்கான இமாலய ஊழல் நடைப்பெற்றது.
இந்தியாவில் உள்ள 22 பகுதிகளுக்கான இந்த அலைவரிசையை பெற வேண்டி,இதற்கென நிர்ணயிக்கப்பட்ட தேதியான 1.10.2007 வரை 575 விண்ணப்பங்கள் 46 நிறுவனங்களிடமிருந்து மத்திய தொலை தொடர்புத் துறையால் பெறப்பட்டன.
இந்த சூழ்நிலையில்,முதலில் வருபவருக்கு முதலில் என்ற முறையை பின்பற்றலாமா அல்லது ஏல முறையை பின்பற்றலாமா என சில வழிமுறைகளை கோடிட்டுக் காட்டி தொலைத் தொடர்புத் துறையின் உறுப்பினர்(நிதி)அவர்கள் ஒரு குறிப்பை அனுப்பியதாகவும்,இதை பார்த்த அமைச்சர் ராசா வெகுண்டெழுந்து இந்த அலுவலரையே மாற்றியதாகவும் கூறப்படுகிறது.
இதற்கிடையில்,மத்திய தொலைத்தொடர்பு மற்றும் தகவல் தொழில்நுட்பத் துறை நான்கு மாற்று வழிகளை வகுத்து Attorney General மற்றும் Solicitor General ஆகியோரின் கருத்தை கேட்டு மத்திய சட்டம் மற்றும் நீதித் துறை அமைச்சகத்திற்கு கோப்பை அனுப்பியுள்ளது.இந்த கோப்பில்,இந்தப் பிரச்சனையை மத்திய அமைச்சரவை அதிகாரக் குழுவுக்கு(Empowered Group of Ministers)அனுப்ப வேண்டும் என்றும்,அந்த சமயத்தில் Attorney General மற்றும் Solicitor general ஆகியோரின் கருத்தை பெற்றுக் கொள்ளலாம் என்றும் மத்திய சட்டம் மற்றும் நீதித் துறை அமைச்சர் கருத்து தெரிவித்தனர்.
Empowered Group of Ministers குழுவிற்கு அனுப்பத் தேவையில்லை என்றும் ,முதலில் வருபவருக்கு முதலில் என்ற முறையை 25.09.2007 வரை பெற்ற விண்ணப்பங்களுக்கு மட்டும் செயல்படுத்தப் போவதாகவும் பாரத பிரதமருக்கு மத்திய அமைச்சர் ராசா கடிதம் மூலம் தெரிவித்துள்ளார்.
இதற்க்கு பாரதப் பிரதமர் அவர்கள் ,வெளிப்படையான ஏல முறையை அமல்படுத்துவது,2001-ஆம் ஆண்டு நிர்ணயிக்கப்பட்ட கட்டணத்தை மாற்றுவது உள்பட பல்வேறு விஷயங்களை பரிசீலிக்குமாறு அமைச்சர் ராசாவை கேட்டுக்கொண்டுள்ளார்.
மேற்படி பிரதமரின் கடிதத்திற்கு அன்றே பதில் அளித்த அமைச்சர் ராசா கட்டணம் குறித்து வாய் திறக்கவில்லை என்று சொல்லப்படுகிறது.
இதற்கிடையில்'முதலில் வருபவருக்கு முதலில்'என்ற முறையை கடைபிடிக்க மத்திய அமைச்சர் ராசா தன்னிச்சையாக முடிவு எடுத்து பாரதப் பிரதமருக்கு கடிதம் முலம் தெரிவித்திருக்கிறார்.
இந்த முறைகேட்டில் மாபெரும் ஊழல் நடை பெற்றுள்ளதாக மத்திய ஊழல் கண்காணிப்பு ஆனையம் தெரிவித்திருக்கிறது.
தகவல்களின் அடிப்படையில் பார்க்கும்போது ஸ்பெக்ட்ரம் அலைவரிசை ஒதுக்கீட்டில் மிகப் பெரிய ஊழல் நடந்திருப்பது தெளிவாகிறது.இதில் பல்வேறு சந்தேகங்கள் எழுகின்றன....

*தொலைத் தொடர்புத் துறை உறுப்பினர்(நிதி)அவர்களின் கருத்துக்கள் ஏன் புறக்கணிக்கபட்டன?

*அவர் அந்த துறையிலிருந்து விடுவிக்கபட்டது ஏன்?

*Empowered Group of Ministers என்ற குழுவுக்கு அணுப்ப வேண்டும் என்ற மத்திய சட்டம் மற்றும் நீதித் துறை அமைச்சகத்தின் கோரிக்கை ஏன் புறக்கணிக்கப்பட்டது?

*Attorney General மற்றும் Solicitor General ஆகியோரின் எழுத்து மூலமான கருத்துக்களை பெறாமல் அவசர கோலத்தில் நடவடிக்கை எடுத்தது ஏன்?


*2001-ம் ஆண்டு நிர்ணயிக்கப்பட்ட கட்டணத்தை பரிசீலனை செய்ய வேண்டும் என்ற பிரதமரின் கோரிக்கை நிராகரிக்கப்பட்டதற்கான காரணம் என்ன?

*ஏல முறையை பின்பற்றுவது குறித்த பிரதமரின் கோரிக்கை புறக்கணிக்கப்பட்டதுக்கு காரணம் என்ன?

*2001-ஆம் ஆன்டு நிர்ணயிக்கபட்ட கட்டணத்தை 2008- ஆம் ஆண்டு தொடர வேண்டியதன் அவசியம் என்ன?

*விண்ணப்பங்கள் அணுப்ப கடைசி தேதி 01.10.2007 என்று அறிவித்து விட்டு,25.09.2007 வரை பெறப்பட்ட விண்ணப்பங்கள் மட்டும் 'முதலில் வருபவருக்கு முதலில்' என்ற முறையில் பரிசீலிக்கப்படும் என்று அறிவித்ததன் நோக்கம் தான் என்ன?

*மத்திய நிதி அமைச்சகம்,டிராய் அமைப்பும் எதிர்ப்பு தெரிவித்தும் இந்த முறையை கடைபிடித்ததின் நோக்கம் என்ன?

*முதலில் வருபவருக்கு முதலில் தரப்படும் 'என்ற அறிவிப்பு வெளி வந்த பிறகு,டிராய்(Telephone Regulatory Authority of India)அமைப்பின் தலைவர்,தனக்கும் ,இந்த அறிவிப்புக்கும் தொடர்பு இல்லை என்ற அளவில் தொலைத்தொடர்புத் துறை செயலாளருக்கு ஒரு கடிதம் எழுதியுள்ளதாக கூறப்படுகிறதே?ஏன் இவ்வாறு எழுதினார்?

*ஒரு முக்கியமான கொள்கை முடிவை எடுக்கும்போது மத்திய அமைச்சரவையின் ஒப்புதலை பெற வேண்டாமா?

*குறைந்தபட்சம் பொருளாதார விவகாரங்களுக்கான மத்திய அமைச்சரவைக் குழுவின் ஒப்புதலை பெற வேண்டாமா?

*ஸ்பெக்ட்ரம் அலைவரிசை ஒதுக்கீட்டை இந்தத் துறையில் அனுபவமில்லாத ஸ்வான்,யுனிடெக் போன்ற நிறுவனங்களுக்கு அடிமாட்டு விலையான 1,600 கோடி ரூபாய்க்கு கொடுக்க காரணம் என்ன?

*ஸ்பெக்ட்ரம் ஒதுக்கீடு பெற்ற ஒரு சில மாதங்களில் ஸ்வான் நிறுவனம் தனது 45 விழுக்காடு பங்குகளை கிட்டத்தட்ட 10,000 கோடி ரூபாய்க்கு எடிசலாட் என்ற நிறுவனத்திற்கும்,யுனிடெக் நிறுவனம் தனது 60 விழுக்காடு பங்குகளை 6,120 கோடி ரூபாய்க்கு டெலினார் என்ற நிறுவனத்திற்கும் ஏன் விற்றது? இதில் லாபம் அடைந்தவர்கள் யார்?

*ஸ்வான் டெலிகாம் நிறுவனம்,தனது 9 விழுக்காடு பங்குகளை Genex Exim Ventures Pprivate Limited என்ற சென்னையை சேர்ந்த நிறுவனத்திற்கு விற்பனை செய்ததன் நோக்கம் என்ன?

*Genex Exim Ventures private Limited நிறுவனத்தின் இயக்குனர்களும் ETA மற்றும் ETA Star Group நிறுவனங்களுக்கும் உள்ள தொடர்பு என்ன?

*சுற்றுச்சூழல் மற்றும் வனத் துறை அமைச்சராக ராசா இருந்தபோது கட்டுமானத் துறை தொடர்புடைய ETAமற்றும் ETA star Group நிறுவனங்களின் பெங்களூர் திட்டங்களுக்கு உடன்க்குடன் சுற்றுச்சூழல் அனுமதியை கொடுத்ததாக கூறப்படுகிறதே?இது குறித்து அமைச்சர் ராசாவால் விளக்கம் அளிக்க முடியுமா?

*இந்த ETA Group தானே தமிழ்நாட்டில் காஞ்சிபுரம் மாவட்டதில் தகவல் தொழிழ்நுட்ப சிறப்பு பொருளாதார மண்டலம் அமைக்க தழிழ்நாடு அரசுடன் உடன்பாடு செய்து கொண்டது!இந்த நிறுவனத்திக்குத் தானே 500 ஏக்கர் நிலம் தரப்பட்டது!

*Genex Exim Ventures Private Limited என்ற நிறுவனமே அமைச்சர் ராசாவால்,அவருக்கு வேண்டியவர்களை வைத்து ஆரம்பித்ததாக சொல்லப்படுகிறதே?

Read More

யாருமே கேட்காத 'உளியின் ஓசை' க்கு கருணாநிதிக்கு விருதா? - ஜெயலிலதா காட்டம் !

யாருமே கேட்காத 'உளியின் ஓசை' க்கு கருணாநிதிக்கு விருதா? - ஜெயலிலதா காட்டம் !

Written by Sara

Saturday, 03 October 2009 04:03

யாருமே கேட்காத ஓசையற்ற உளியின் ஓசை படத்திற்கு உரையாடல் எழுதியதற்காக சிறந்த உரையாடல் ஆசிரியர் விருது கருணாநிதிக்கு வழங்கப்பட்டிருக்கிறது. விருதை வழங்கும் இடத்தில் இருக்கும் ஒரு மாநில முதல்வரே, தனது தலைமையிலான அரசு வழங்கும் விருதை பெற்றுக் கொள்வது மரபு மீறிய செயல் என்று அதிமுக பொதுச் செயலாளர் ஜெயலலிதா கூறியுள்ளார். இது குறித்து அதிமுக பொதுச் செயலாளர் ஜெயலலிதா வெளியிட்டுள்ள அறிக்கையில் கூறியுள்ளதாவது பிறரை வற்புறுத்தி தனக்கு பாராட்டு விழா எடுக்கச் சொல்வது, துதிபாடிகள் மத்தியில் உலா வருவது தன்னையும், தன் குடும்ப உறுப்பினர்களையும் புகழ் பாடுபவர்களை வைத்து பட்டிமன்றம் நடத்தச் சொல்லி புளகாங்கிதம் அடைவது, தனக்குத் தானே விருதுகளை அளித்துக் கொள்வது ஆகியவற்றை வாடிக்கையாகக் கொண்டிருப்பவர் முதல்வர் கருணாநிதி. இதை தன்னுடைய பல நடவடிக்கைகள் மூலம் நிரூபித்து இருக்கிறார்.அண்ணா நூற்றாண்டு நிறைவு விழாவினையொட்டி, அண்ணாவின் உருவம் பொறித்த ஐந்து ரூபாய் நாணயம் வெளியிடப்பட்ட போது கூட, அண்ணாவின் படத்தை விட கருணாநிதி, மு.க.ஸ்டாலின், கனிமொழி, தயாநிதி மாறன் ஆகியோரின் பதாகைகள் தான் வழிநெடுகிலும் அதிகம் காணப்பட்டன. அண்ணா நூற்றாண்டு நிறைவு விழாவினையொட்டி நடைபெற்ற பட்டிமன்றத்திலும் சரி, காஞ்சிபுரத்தில் நடைபெற்ற விழாவிலும் சரி, அண்ணாவின் கொள்கைகளையும், பெருமைகளையும், புகழையும் போற்றுவதற்கு பதிலாக, கருணாநிதியையும், அவரது குடும்பத்தினரையும் மனம் குளிர வைக்கும் பேச்சுக்கள் தான் ஓங்கி ஒலித்தன.அண்ணா நூற்றாண்டு நிறைவு விழாவா ? அல்லது கருணாநிதியையும், அவரது குடும்பத்தினரையும் குளிர வைக்கும் விழாவா ? என்று மக்கள் சந்தேகிக்கும் அளவுக்கு அந்த நிகழ்ச்சிகள் இருந்தன. இவைகள் எல்லாம் போதாது என்று திமுக சார்பில் வழங்கப்படும் 2009 ம் ஆண்டுக்கான அண்ணா விருதையும் தனக்குத் தானே கருணாநிதி பெற்றுக் கொண்டார். ஏற்கனவே 2008 ம் ஆண்டுக்கான பெரியார் விருதை கருணாநிதி பெற்றுக் கொண்டதும் தன் பெயரிலான விருதை தனது மகனுக்கு கொடுத்து மகிழ்ந்ததையும் அனைவரும் நன்கு அறிவர். கருணாநிதி குடும்பம் தான் திமுக என்று ஆகிவிட்ட நிலையில் விருதுகள் அவருக்கும் அவருடைய குடும்பத்தினருக்கும் அளிக்கப்படுவதில் வியப்பு ஏதுமில்லை. கட்சி சார்பில் வழங்கப்பட்ட விருதுகள் போதாது என்று தமிழக அரசின் விருதையும் தனக்குத் தானே பெற்றுக் கொண்டிருக்கிறார் கருணாநிதி . அதாவது தமிழக அரசு சார்பில் வழங்கப்படும் திரைப்பட விருதும் இந்த ஆண்டு முதல்வர் கருணாநிதிக்கே வழங்கப்பட்டிருக்கிறது. யாருமே கேட்டிராத, ஓசையற்ற உளியின் ஓசை படத்திற்கு உரையாடல் எழுதியதற்காக சிறந்த உரையாடல் ஆசிரியர் விருது கருணாநிதிக்கு வழங்கப்பட்டிருக்கிறது. விருதை வழங்கும் இடத்தில் இருக்கும் ஒரு மாநில முதலமைச்சரே தனது தலைமையிலான மாநில அரசு வழங்கும் விருதைப் பெற்றுக் கொள்வது மரபு மீறிய செயல் . உலகத்திலேயே இதுவரை யாரும் கடைபிடித்திராத நடைமுறை . இதைவிட வெட்கக்கேடான செயல் எதுவும் இருக்க முடியாது. இந்த ஆண்டு தமிழக அரசின் சிறந்த உரையாடல் ஆசிரியர் விருதை தனக்கு பெற்றுக் கொண்டிருக்கிறார் கருணாநிதி . அடுத்த ஆண்டு தன்னுடைய ஆட்சியின் கடைசி ஆண்டு என்பதால் தனது மகன், மகள், பேரன், பேத்திகள் என குடும்ப உறுப்பினர்கள் அனைவரையம் திரைப் படங்களில் ஏதாவது ஒரு துறையில் நுழைத்து, அவர்கள் பெரிய சாதனை புரிந்ததாக விளம்பரப்படுத்தி, அவர்களுக்கும் விருதுகளை பெற்றுக்கொடுத்து விடுவார். அடுத்த ஆண்டு பாதி விருதுகள் கருணாநிதி குடும்பத்திற்குத் தான் கிடைக்கும். விருதுகள் வழங்குவதில் கூட அரசியல் தலையீடு இருக்கிறது என்பதை கருணாநிதி தன்னுடைய நடவடிக்கையின் மூலம் நிரூபித்து இருக்கிறார். கடுமையான மின் வெட்டு, விண்ணை முட்டும் விலைவாசி உயர்வு, தினம் கொலை, கொள்ளை, மணல் கொள்ளை, அரிசி கடத்தல் ஆகியவற்றை நிகழ்த்திக் கொண்டிருப்பதற்காக கருணாநிதிக்கு உலகச் சாதனையாளர் விருது வேறு. உயர் நீதிமன்றம் மற்றும் உச்ச நீதிமன்றத்தை விட ஒரு நடுநிலையான அமைப்பு இந்தியாவில் எதுவும் கிடையாது.அப்படிப்பட்ட நீதிமன்றங்களிடம் இருந்தே பல நற் சான்றிதழ்களை பெற்றவர் தான் கருணாநிதி . உள்ளாட்சித் தேர்தலை நடத்தி சாதனை புரிந்தது, சட்டக் கல்லூரி மாணவர்கள் மோதலை வேடிக்கைப் பார்த்து சாதனை புரிந்தது, நீதிமன்றத்திற்குள் புகுந்து நீதிபதிகளையும், வழக்கறிஞர்களையும், பொது மக்களையும் தாக்கியதை வேடிக்கை பார்த்தது, பந்த் நடத்தியதற்காக சான்றிதழ் என பல'சான்றிதழ்களை அடுக்கிக் கொண்டே போகலாம். எல்லாவற்றிலும் தனக்கும், தன் குடும்பத்தினருக்கும் பங்கு வேண்டும் என்ற சுயநலப் போக்கை கடை பிடிக்காமல், நதி நீர்ப் பிரச்சனைகள், விஷம் போல் ஏறிக்கொண்டிருக்கும் விலைவாசி உயர்வு, கடுமையான மின்சார வெட்டு, தமிழக மீனவர்கள் மீதான இலங்கைப் படையினரின் தினசரி தாக்குதல் ஆகியவற்றில் தன்னுடைய கவனத்தை செலுத்தி, தமிழர்களின் துயர்களை துடைக்க நடவடிக்கைகளை மேற் கொள்ள வேண்டும் என்று அந்த அறிக்கையில் கூறியுள்ளார்.

Read More

அஇஅதிமுக-பெண்-வேட்பாளர்கள் பாதுகாப்பு சென்ன-உயர்-நீதிமன்றம் மனு

திரிசூலம் பஞ்சாயத்து தலைவர், பல்லாவரம் வார்டு தேர்தலில் போட்டியிடும் அ.இ.அ.தி.மு.க பெண் வேட்பாளர்களுக்கு கொலை மிரட்டல் வந்துள்ளதைத் தொடர்ந்து, தங்களுக்கும், தங்கள் குடும்பத்தினருக்கும் பாதுகாப்பளிக்க உத்தரவிட வேண்டும் என்று சென்னை உயர் நீதிமன்றத்தில் மனுத்தாக்கல் செய்துள்ளனர்.
திரிசூலம் பஞ்சாயத்து தலைவர் அண்மையில் கொலை செய்யப்பட்டதை தொடர்ந்து அப்பதவிக்கு இடைத்தேர்தல் நடைபெறுகிறது. இந்த இடைத்தேர்தலில் அ.இ.அ.தி.மு.க சார்பில் திரிசூலத்தை சேர்ந்த சரஸ்வதி (33) எ‌ன்பவ‌ர் வேட்பு மனு தாக்கல் செய்துள்ளார்.
இந்நிலையில் அவர் இன்று உயர் நீதிமன்றத்தில் மனு ஒன்றை தாக்கல் செய்துள்ளார். அதில், ''திரிசூலம் பஞ்சாயத்து தலைவர் கொலை செய்யப்பட்டதை தொடர்ந்து இடைத்தேர்தல் நடைபெறுகிறது. நான் உட்பட 5 பேர் இந்த தேர்தலில் போட்டியிடுகிறோம். வருகிற 7ஆ‌ம் தேதி அன்று தேர்தல் நடைபெறவிருக்கிறது.
ஏற்கனவே பஞ்சாயத்து தலைவர் கொலை செய்யப்பட்ட நிலையில் திரிசூலம் பகுதியில் பத‌ற்ற‌ம் நிலவுகிறது. தற்போது எனக்கு கொலை மிரட்டல் வந்துள்ளது. தலைவர் தேர்தலில் போட்டியிடக்கூடாது என்றும், வேட்புமனுவை வாபஸ் பெற வேண்டும் என்றும் மிரட்டி எனக்கு மர்ம தொலைபேசி வந்து கொண்டிருக்கிறது.
எனவே தேர்தல் முடியும் வரை எனக்கும், எனது குடும்பத்தினருக்கும் காவ‌‌‌‌ல்துறை பாதுகாப்பளிக்க உத்தரவிட வேண்டும். மேலும் வாக்குப்பதிவு முழுவதையும் வீடியோவில் பதிவு செய்ய மாநில தேர்தல் ஆணையருக்கு உத்தரவிட வேண்டும்'' எ‌ன்று மனுவில் கூ‌றியு‌ள்ளா‌ர்.
அதேபோல பல்லாவரம் நகராட்சி 7வது வார்டுக்கு நடைபெறும் இடைத்தேர்தலில் அ.இ.அ.தி.மு.க சார்பில் ஆர்.சாந்தி போட்டியிடுகிறார்.
இவரு‌ம் உய‌ர் ‌நீ‌திம‌ன்ற‌த்த‌ி‌ல் மனு‌த் தா‌க்க‌ல் செ‌ய்து‌ள்ளா‌ர். ''தேர்தலில் இருந்து வாபஸ் பெற வேண்டும் என்று கூறி தனக்கு கொலை மிரட்டல் வருவதாகவும், எனவே தேர்தல் முடியும் வரை தனக்கும், தனது குடும்பத்தினருக்கும் காவ‌ல்துறை பாதுகாப்பளிக்க உத்தரவிட வேண்டும்'' என்று மனுவில் கூ‌றியு‌ள்ளா‌ர்.
இ‌ந்த மனு ‌விரை‌வி‌ல் ‌விசாரணை‌க்கு வரு‌கிறது.

Read More

மு‌ல்லை‌ப் பெ‌ரியாறு அணை‌யி‌ல் ஆ‌ய்வு ந‌ட‌த்த அனும‌தி அ‌ளி‌த்த ம‌த்‌திய அரசை கருணா‌நி‌தி த‌ட்டி‌க்கே‌ட்காதது ஏ‌ன்- ஜெயல‌லிதா கே‌ள்‌வி செ‌ன்னை,

முல்லைப் பெரியாறு பகுதியில் புதிய அணை கட்ட கேரள அரசுக்கு ஆய்வு நடத்த மத்திய அரசு அனுமதி அளித்திருப்பதை முதலமை‌ச்ச‌ர் கருணா‌நி‌தி தட்டிக்கேட்காதது ஏன் என்று கே‌ள்‌வி எழு‌ப்‌பியு‌ள்ள அ.இ.அ.தி.மு.க பொதுச் செயலர் ஜெயலலிதா, மத்திய அரசில் அங்கம் வகித்துக் கொண்டு அதை தட்டிக்கேட்காததன் மூலம் கருணாநிதி தமிழகத்துக்கு துரோகம் செய்கிறார் எ‌ன்று கூ‌றியு‌ள்ளா‌ர்.

WD

இது தொட‌ர்பாக அவ‌ர் இ‌ன்று வெளியிட்டுள்ள அறிக்கையில், ''முல்லைப் பெரியாறு அணைப்பகுதியில் புதிய அணை கட்டுவதற்கான ஆய்வுப்பணிகளை மேற்கொள்ள மத்திய அரசு அனுமதி அளித்து இருப்பது குறித்து சில நாட்களுக்கு முன்பு பதில் அளித்த கருணாநிதி, “முல்லைப் பெரியாறு அணை பிரச்சனை, உ‌ச்ச ‌நீ‌திம‌ன்ற‌த்த‌ி‌ல் நிலுவையில் உள்ளதை மத்திய அரசு அறியும். எனவே, கேரள அரசுக்கு இதைப்போன்ற அனுமதியை கொடுத்திருக்காது என்று தான் நம்புகிறோம்'' என்று தெரிவித்தார்.

இந்தப் பிரச்சனை குறித்து மத்திய அமைச்சர் ராசா, மத்திய சுற்றுச்சூழல் மற்றும் வனத்துறை இணை அமைச்சர் ஜெயராம் ரமேஷை சந்தித்துப் பேசியதாகவும், அப்போது கேரள அரசுக்கு வழங்கப்பட்ட அனுமதியை நிறுத்தி வைக்க உத்தரவிடுவதாக ராசாவிடம் மத்திய அமைச்சர் உத்தரவாதம் அளித்ததாகவும் செய்திகள் வெளியாயின.

இந்தச் சூழ்நிலையில், செய்தியாளர்களுக்கு பேட்டியளித்த ஜெயராம் ரமேஷ், முல்லைப் பெரியாறு அணைப்பகுதியில் புதிய அணை கட்டுவதற்கான ஆய்வுப்பணிகளை மேற்கொள்ள மத்திய அரசு கேரள அரசுக்கு அனுமதி அளித்துள்ளதை உறுதிப்படுத்தியதோடு மட்டுமல்லாமல், கேரள அரசின் இந்தத்திட்டம் முடக்கப்படும் என்ற அளவில் தமிழ்நாட்டிற்கு உறுதிமொழி கொடுத்திருப்பதாக வந்துள்ள செய்தியையும் திட்டவட்டமாக மறுத்துள்ளார்.

புதிய அணை கட்டுவதற்கான ஆய்வு நடத்த கேரள அரசுக்கு மத்திய அரசு அனுமதி வழங்கியுள்ளதன் காரணமாக, எதிர்காலத்தில் மதுரை, ராமநாதபுரம், திண்டுக்கல், தேனி, சிவகங்கை ஆகிய மாவட்டங்களில் குடிநீர் பற்றாக்குறை ஏற்படுவதுடன், விவசாய உற்பத்தியும் கடுமையாக பாதிக்கப்படக்கூடிய சூழ்நிலைகள் உருவாகும்.

முல்லைப் பெரியாறு அணையின் நீர் மட்டத்தை படிப்படியாக 142 அடி வரை உயர்த்திக் கொள்ளலாம் என்று உச்ச நீதிமன்றம் 2006ஆம் ஆண்டு தீர்ப்பளித்தது. இது எனது ஆட்சிக்காலத்தில் உள்ள நிலைமை! கருணாநிதி முதலமைச்சராக பொறுப்பேற்ற பிறகு, இந்த நிலை மாறி, கேரள அரசு புதிய அணை கட்டிக்கொள்ள மத்திய அரசு அனுமதி அளித்து இருக்கிறது. அதாவது 2006ஆம் ஆண்டு தமிழகத்திற்கு சாதகமாக இருந்த சூழ்நிலை, 2009 ஆம் ஆண்டு கேரளாவிற்கு சாதகமாக மாறிவிட்டது! இதுதான் கருணாநிதியினுடைய நிர்வாகத் திறமை!

உச்ச நீதிமன்றத்தில் வழக்கு நிலுவையில் இருக்கும் போது, ஏற்கனவே இது குறித்த உச்ச நீதிமன்றத்தின் தீர்ப்பை நடைமுறைப்படுத்தாமல், அதற்கு முற்றிலும் நேர்மாறான செயலை செய்ய மத்திய அரசு எப்படி முன் வந்தது? இது நீதிமன்ற அவமதிப்பு ஆகாதா? மத்திய அரசின் நடவடிக்கை குறித்து உச்ச நீதிமன்றத்தில் தி.மு.க. அரசு முறையிட்டதா? மத்திய அரசின் அனுமதிக்கு உச்ச நீதிமன்றத்தில் தடை ஆணை பெற தி.மு.க. அரசு முயற்சிக்க வேண்டாமா?

மத்திய அரசில் அங்கம் வகிக்காத கேரள அரசு மத்திய அரசிடம் இருந்து அனுமதியை பெறுகின்றபோது, மத்திய அரசில் அங்கம் வகிக்கும் கருணாநிதி, அந்த அனுமதியை ரத்து செய்ய நடவடிக்கை எடுக்க முடியாதா? தமிழகத்தின் நியாயமான கோரிக்கைக்கு கூட செவி சாய்க்க மறுக்கும் மத்திய அரசில் ஒட்டிக் கொண்டிருப்பது கருணாநிதிக்கு வெட்கமாக தெரியவில்லையா? மத்திய அமைச்சரான தன் மகன் நாடாளுமன்றத்தில் தமிழில் பேசுவதற்கான உரிமை குறித்தே அக்கறை செலுத்தாதவர் கருணாநிதி! தனக்கு வர வேண்டியது வந்தால் போதும் என்று நினைக்கிறார் போலும்!

நான் முதலமைச்சராக இருந்தபோது, மத்தியில் ஆட்சி அதிகாரத்தை வைத்துக்கொண்டு கடல் நீரை குடிநீராக்கும் திட்டம், பைக்காரா புனல் மின் திட்டம் ஆகியவற்றிற்கு அனுமதி தராமல் தமிழகத்திற்கு துரோகம் செய்தார் கருணாநிதி! அதாவது தமிழகத்தின் முதலமைச்சராக இல்லாமலேயே தமிழகத்திற்கு துரோகம் செய்தார். இன்று கருணாநிதியே தமிழகத்தின் முதலமைச்சராக இருக்கிறார். அவருடைய கட்சி மத்திய அமைச்சரவையில் அங்கம் வகிக்கிறது. அப்படி இருந்தும், உச்ச நீதிமன்ற ஆணையை மீறி கேரள அரசுக்கு மத்திய அரசு புதிய அணை கட்டுவதற்கான ஆய்வு நடத்த அனுமதி அளிக்கிறது. முதலமைச்சராக இருந்து கொண்டு தமிழகத்திற்கு துரோகம் செய்திருக்கிறார்! கருணாநிதியால் தமிழகத்திற்கு துரோகம் தான் செய்ய முடியுமே தவிர நன்மை செய்ய முடியாது'' எ‌ன்று ஜெயல‌‌லிதா கூ‌றியு‌ள்ளா‌ர்.

Read More